Galiza Nova Barcelona

GALIZA Sur vs GALIZA Norte

2010-11-09T02:05:00.000-08:00

Partido de fútbol de confraternización: GALIZA SUR vs. GALIZA NORTE

Estás convidado ao partido de fútbol a celebrar o vindeiro 27 de Novembro, sábado, ás 20h, nos Campos de Fútbol de Mundet. Dividirémonos segundo lugar xeográfico de procedencia de Galiza e formaremos dous equipos; un representará ás comarcas do Sur, o outro ás comarcas do norte do noso país.

Quedaremos media hora antes, ás 19.30h, na saída do metro de Mundet. Como teléfono de contacto temos o 618083921.

SE ESTÁS INTERESADO, ANÓTATE PARA FACER PREVISIÓN, POR FAVOR!

QUERES MÁIS INFORMACIÓN? Pregunta no bcn@galizanova.org !!

Máis info no noso blog: http://www.galizanovabcn.blogspot.com

Fotos e crónica da Diada

2010-09-12T14:33:00.000-07:00

DIADA NACIONAL DE CATALUNYA 2010

Amigos e amigas,

Xa tendes disponíbeis as fotos da celebración da Diada Nacional de Catalunya 2010. Galiza Nova Barcelona organizou e participou de actividades neste pasado 11 de Setembro co gallo da conmemoración da festividade nacional de Catalunya. Coa estreita colaboración do Centro Galego de Barcelona, da xente do Espai Gallec dels Països Catalans, das JERC e de ERC de Sant Just Desvern e outros colectivos e persoas conseguiuse levar a cabo un programa de actividades que tivo o seu momento cumio na manifestación ao poder concentrar baixo unha faixa unitaria aos nacionalistas galegos asistentes. Porén, desprazáronse dende Galiza compañeiros de Galiza Nova de diversas comarcas (Deza, A Coruña, Costa da Morte, A Mariña, etc) e xente do Local Social Aturuxo, de Boiro. Porén, tamén asistiron xente da asemblea local de Galiza Nova Andorra e dous membros do Consello Nacional do BNG: os responsábeis da comarca da Montaña e da Emigración.

Agradecementos a todos eles!

MÁIS FOTOS AQUÍ

Diada Nacional de Catalunya

2010-09-04T09:06:00.000-07:00

Celebració de la Diada Nacional de Catalunya

SÁBADO, 11 DE SETEMBRO DE 2010

PROGRAMA DE ACTIVIDADES DE GALIZA NOVA BARCELONA

No marco da celebración da Diada Nacional de Catalunya, Galiza Nova Barcelona organizará unha serie de actividades o próximo día 11 de Setembro de 2010.

____________________________________________________________________

Ás once da mañá participaremos do acto de ofrenda froral organizado por ERC e as JERC na localidade de Sant Just Desvern. Ás 14 horas haberá un xantar (a prezos populares) no Bar do Centro Galego de Barcelona (Rambla dels Caputxins, 35). Porén, ás 17h atoparémonos na Plaça Urquinaona para escoitar as intervencións políticas na carpa de Esquerra, para logo, ás 18horas, emprender a marcha coa manifestación. Os nacionalistas galegos iremos baixo unha faixa unitaria. Recoméndase traer bandeiras galegas da patria.

Ao rematar a manifestación, daremos un paseo pola Fira d'Entitats de Catalunya que organiza "Gent de la Terra". Posteriormente voltaremos ao Centro Galego para a proxección do documental producido pola fundación Galiza Sempre:

"MEMORIA DO NACIONALISMO GALEGO"
Ás 20h no Bar do Centro Galego de Barcelona

Para finalizar, cea no Centro Galego e troula polas rúas de Barcelona.

QUERES MÁIS INFORMACIÓN? Pregunta no bcn@galizanova.org !!

Programación de actos de Galiza Nova BCN

2010-06-07T12:52:00.000-07:00

Programación de actos de Galiza Nova Barcelona para o mes de xuño

"As reivindicacións nacionais galegas e catalás no marco da UE"

PROGRAMA DE ACTIVIDADES DE GALIZA NOVA BARCELONA

No marco de programa de actividades de verán de Galiza Nova Barcelona, o próximo 18 de Xuño celebraráse no Centro Galego de Barcelona unha charla-coloquio que levará por título "As reivindicacións nacionais galegas e catalás no marco da Unión Europea". Falarán:

- ORIOL JUNQUERAS I VIES. Eurodiputat d'Esquerra Republicana de Catalunya. Historiador.

- ANA MIRANDA PAZ. Portavoz do BNG en Bruxelas. Futura eurodeputada do BNG. Licenciada en Dereito.

O acto dará comezo ás 20h no Centro Galego de Barcelona (La Rambla, 35-37). Pódese chegar ao recinto mediante metro (L3 Liceu, L4 Drassanes) ou autobús (14, 59, etc). A charla-coloquio terá carácter aberto e realizarase na Sala Ferrío.

Para anotarte: bcn@galizanova.org ou aquí: http://www.facebook.com/silvio.falcon?v=wall&story_fbid=127330317290153#!/event.php?eid=119973258044312&ref=ts (evento da rede social "Facebook").

Máis info no noso blog: http://www.galizanovabcn.blogspot.com

___________________________________________________________

"Partido de futbol: II Encontro Galiza vs Catalunya"

Porén, o día seguinte (o sábado 19) Galiza Nova Barcelona organiza conxuntamente coas JERC do Baix Llobregat outra xornada galaico-catalá: o segundo encontro Galiza-Catalunya que, ademáis, servirá de inauguración para a Secció Local d'El Papiol das JERC.

O partido xogaráse ás 18h e estará seguido de actividades organizadas polos nosos compañeiros das JERC-Baix Llobregat.

Para máis info ou para anotarte bcn@galizanova.org ou aquí (evento da rede social "Facebook"):

http://www.facebook.com/silvio.falcon?v=wall&story_fbid=127330317290153#!/event.php?eid=127514647272959&ref=mf

Recordatorio

No próximo mes de setembro haberá máis actividades (fútbol GZ vs Marrocos, manifestación da Diada de Catalunya) de Galiza Nova Barcelona. Convidámosvos tamén a participar das actividades nacionais (Festigal, Día da Patria, etc) que se celebran na nosa terra. Seredes puntualmente informados cando as datas estén pechadas.

Recordade visitar o noso blog: http://www.galizanova.ppcc.cat

. Para máis info bcn@galizanova.org.

Éxito de convocatoria no acto sobre a lingua

2010-05-22T14:53:00.000-07:00

GALIZA NOVA ORGANIZOU O ACTO "DOUS MODELOS PARA A LINGUA: OS EXEMPLOS CATALÁN E GALEGO"

Galiza Nova Barcelona organizou o pasado 21 de Maio de 2010 ás 20h unha charla-coloquio no Centro Galego co título "Dous modelos para a lingua: os exemplos catalán e galego". O obxectivo do acto era comparar a política lingüística, as reivindicacións e o modelo educativo (polo que respecta á lingua) en Catalunya e Galiza. Para iso falou o senador polo BNG Xosé Manuel Pérez Bouza, o filólogo galego na Universitat Autònoma de Barcelona Paulo Filgueiras, a filóloga galega na UB e representante da plataforma "Defensem la llengua gallega" Ana Escourido e o profesor de lingua catalá Xavier Breil. O acto foi presentado por Silvio Falcón, responsábel de Galiza Nova Barcelona. O acto foi moi concorrido xa que asistiron até 80 persoas que encheron a Sala Ferrío do Centro Galego de Barcelona (La Rambla, 35-37).

Pérez Bouza fixo especial fincapé na visión política e institucional: por qué o galego non se pode empregar no Senado, cámara de representación dos territorios do Estado? Aínda así, o senador foi máis alá incluso debullando algunhas das propostas do BNG en materia lingüística como "resposta aos ataques que está á sufrir por parte do actual goberno da Xunta".

Paulo Filgueiras realizou un repaso sobre o mapa sociolingüístico de Galiza. Primeiro, subliñou a problemática coa mocidade e posteriormente fixo un percorrido sobre os diferentes prexuízos que envolven o galego á hora de converterse na lingua nai (e de ensino) das xentes mozas. Foi, polo tanto, unha visión máis filolóxica e científica da precaria situación social do galego.

Ana Escourido explicou ante o público alí presente o proxecto da plataforma "Defensem la llengua gallega" un conglomerado de entidades galegas e catalás que se organizaron a partir do 17 de Maio de 2009 para protestar contra a política lingüística do goberno de Núñez Feijoo.
Xavier Breil falou do modelo no ensino (o modelo de inmersión lingüística) que se implementa en Catalunya. Así, tamén aportou datos interesantes sobre a realidade do catalán na mocidade e sobre os retos que á lingua se lle presentan.

Entre o público atopábase xente do ámbito cultural galego en Catalunya, como o presidente do Centro Galego de Barcelona Xosé Méndez, o presidente da FEGALCAT Luís Lamas ou o presidente de ERGaC Suso Mon entre outros. Porén, tamén asistiu Carlos Callón, presidente de A Mesa pola Normalización Lingüística. Do ámbito da política tamén se puideron ver entre o público persoeiros como Victoriano Oxea, membro do Consello Nacional do BNG pola emigración ou Paco Castro, responsábel do BNG de Catalunya.

A organización valorou moi positivamente a asistencia e a participación dos asistentes ante un tema tan delicado como é a nosa lingua e as alternativas que podemos atopar no exemplo catalán.

Programación de actos na Semana das Letras!

2010-05-13T05:54:00.000-07:00

A xente moza nacionalista de Catalunya organizamos unha pequena programación de actos para os vindeiros días. Galiza Nova, polo tanto, anima ao BNG e a todos os que vexades este artigo a participar das actividades que se desenrolarán nos próximos días.

- O VINDEIRO 17 DE MAIO ás 20.30 h (comezo do partido ás 21h, até as 22h) farase un partido de fútbol Galiza - Catalunya co gallo do día das letras galegas. Haberá un prezo de inscrición de 3€ polo uso da pista. O lugar onde se disputará o encontro será nas instalacions do CSS ( Passeig de la Vall D´Hebron, 171, Linea 3, Mundet. Ver mapa das instalacións). O campo será de herba artificial non abrasiva, co cal o mellor é usar multitaco ou, se non tedes, unhas zapatillas do futsal. Para máis info, contactade en silvinho.galiza@gmail.com

- O VINDEIRO 21 DE MAIO, ás 21.00h, farase o acto "Dous modelos para a lingua: os exemplos catalán e galego" no Centro Galego de Barcelona. Asistirá o senador do BNG Xosé Manuel Pérez Bouza. Tedes o cartaz informativo ao comezo deste artigo.

Moita máis información en: Galiza Nova Barcelona, no noso facebook ou en bcn@galizanova.org ou silvinho.galiza@gmail.com

Tamén podes visitar os eventos do facebook:

Galiza - Catalunya : Partit de futbol

Dous modelos para a lingua: os exemplos catalán e galego

Acto o próximo 21 de Maio!

2010-05-12T08:46:00.000-07:00

Fotos 2/11/2009. Acto con Fran Rei

2010-03-21T09:57:00.000-07:00

Acto de Galiza Nova no CGB (2/11/2009)

2010-03-21T09:04:00.000-07:00